Кожны год у ноч з 6 на 7 ліпеня па ўсёй Беларусі адзначаецца народнае свята Івана Купала. На Клетчыне Купалле стала добрай традыцыяй, якая збірае не толькі мясцовых жыхароў, але і гасцей. Яны імкнуцца дакрануцца да абрадаў і звычаяў нашых продкаў.

У вячэрнім амфітэатры мерапрыемства адзначылі насычанай канцэртнай праграмай, тэатралізаваным прадстаўленнем, сцэнкамі, конкурсамі і вясёлымі народнымі забавамі, у якіх мясцовыя жыхары прымалі актыўны ўдзел.

Не схаваўся ад смельчакоў і галоўны сімвал Івана Купала - чароўная папараць-кветка. Людзі кажуць, што хто адшукаў гэты казачны дар, прывабіць да сябе поспех на ўвесь год.

Усім астатнім, каму пашанцавала менш, або хто паленаваўся знайсці кветку якая распускаецца толькі раз у год, пасля мерапрыемства чакаў суцяшальны прыз — дыскатэка.

Аляксей КУЛЕШ.

Фота аўтара.